Ferðamáladeild Háskólans á Hólum kynnir nýútgefna rannsóknarskýrslu sem rannsakar alþjóðlega hæfni, háskólakennara og kennsluramma

Deisi Maricato, doktorsnemi, og Dr. Jessica Aquino, dósent við Ferðamáladeild Háskólans á Hólum, hafa gefið út ritrýnda skýrslu sem ber heitið „An International Overview of Higher Education Competencies and Teaching Frameworks: Towards Professional Development of Educators in Iceland.“  Skýrslan var unnin sem hluti af verkefninu Heimahöfn, sem er hluti af stærra verkefni sem styrkt er af Háskóla-, iðnaðar- og nýsköpunarráðuneytinu. Í henni er lögð áhersla á yfirgripsmikla bókmenntarýni um hæfni háskólakennara og kennsluramma frá alþjóðlegu sjónarhorni, sem og stöðu þeirra á Íslandi. Þar eru einnig kynntar niðurstöður netkönnunar sem miða að því að meta þjálfun háskólastofnana á Íslandi.

Niðurstöður rannsóknarinnar undirstrika mikilvægi þess að styðja við faglega þróun, bæði í formlegu og óformlegu umhverfi, sérstaklega til að efla og þróa kennslufræðilega hæfni. Rannsóknarniðurstöður benda einnig til þess að þörf sé á skipulagðari starfsþróunaráætlunum sem bæta kennslufærni og stuðla að gæðum háskólamenntunar á Íslandi.

Vonast er til að þessi rannsókn muni hvetja til umræðu um mikilvægi starfsþróunar háskólakennara og leiði til gagnrýnnar ígrundunar um núverandi stöðu starfsþróunarumgjörða á Íslandi.

Áhugasamir geta nálgast rannsóknina í gegnum DOI: 10.13140/RG.2.2.33391.96165