Metaðsókn í tamningapláss

Á hverri önn er hestaeigendum boðið að senda trippi í tamningu hjá nemum á 2. ári við hestafræðideild. Mikil eftirsókn var á plássum fyrir tamningatrippi á vorönn 2022 og plássin fylltust á örfáum klukkutímum. Því miður voru margir sem komust ekki að, en ánægjulegt að sjá hversu margir telja tilboðið vera eftirsóknarvert fyrir sína hesta.

Næsti möguleiki til að koma trippum að í tamningu er haustið 2022. Áhugasömum er bent á að fylgjast með á heimasíðu okkar þar sem plássin verða auglýst.