Breytingar í háskólaráði Háskólans á Hólum

Ráðherra hefur skipað Lilju Sigurlínu Pálmadóttur sem aðalmann til setu í háskólaráði og Sr. Gísli Gunnarsson sem varamann. Laufey Kristín Skúladóttir sem setið hefur í háskólaráði sem fulltrúi ráðherra víkur úr ráðinu sem og hennar varamaður, Guðmundur M. Skúlason, reiðkennari og tamningamaður og eru þeim þökkuð vel unnin störf í þágu Háskólans á Hólum og óskað alls hins besta.
Lilja er útskrifaður reiðkennari frá hestafræðideild Háskólans á Hólum og þekkir því vel til skólans. Sr. Gísli Gunnarson þekkir einnig vel til skólans í gegnum störf sín í Skagafirði, bæði sem prestur og sem sveitarstjórnarfulltrúi. Gísli hefur verið skipaður vígslubiskup á Hólum frá og með 1. september.
Við bjóðum Lilju og Gísla hjartanlega velkomin.