Kelsey Stansberry varði meistararitgerð sína við Fiskeldis- og fiskalíffræðideild Háskólans á Hólum þann 5. maí síðastliðinn. Ritgerðin fjallar um áhrif dreifingar fæðu á hegðun og vöxt bleikju í straumvötnum og hlaut afar jákvæðar undirtektir við vörnina.

Föstudaginn 5. júní fer fram brautskráning nemenda við Ferðamáladeild og Fiskeldis- og fiskalíffræðideild Háskólans á Hólum. Við það tækifæri fagnar skólinn árangri nemenda sem hafa lokið námi sínu og hefja nýjan kafla á náms- og starfsferli sínum.

Háskólaráð Háskólans á Hólum samþykkti á fundi sínum 21. maí endurskoðaða gæðastefnu og rannsóknarstefnu skólans. Stefnurnar marka mikilvægar áherslur í þróun náms, kennslu og rannsókna við háskólann á komandi árum.

Alþingi hefur samþykkt frumvarp um háskólasamstæður sem felur í sér að Háskóli Íslands og Hólaskóli – Háskólinn á Hólum mega sameinast undir merkjum háskólasamstæðu Háskóla Íslands sem tekur formlega til starfa 1. júlí næstkomandi.

Lára Gunndís Magnúsdóttir, kennslustjóri við Háskólann á Hólum, lét af störfum í vor eftir farsælt þriggja ára starf við skólann. Á þeim tíma gegndi hún lykilhlutverki í daglegu starfi Háskólans á Hólum og kom að fjölbreyttum verkefnum á sviði náms- og kennslumála.

Dagana 15.–16. maí stóðu Háskólinn á Hólum og Gló stuðningsfélag fyrir alþjóðlegri ráðstefnu um þjónustu með aðstoð dýra á Hólum í Hjaltadal. Ráðstefnan heppnaðist afar vel og sóttu hana þátttakendur víðs vegar að af landinu auk fjölmargra gesta frá Norðurlöndum, Evrópu og Norður-Ameríku.

Nýlega kom út bókin Tourism and Communities: Nordic Perspectives, sem fjallar um samskipti ferðaþjónustu og samfélaga í norrænu samhengi. Meðal höfunda eru íslenskir fræðimenn, þar á meðal Laufey Haraldsdóttir, lektor við Ferðamáladeild Háskólans á Hólum.

Alls voru 24 kandidatar brautskráðir frá Hestafræðideild Háskólans á Hólum við hátíðlega athöfn þann 23. maí. Við sama tilefni var þess minnst að 30 ár eru liðin frá því fyrstu nemendurnir luku námi í hestafræði við skólann. Í fyrsta sinn voru jafnframt brautskráðir nemendur með sérhæft íslenskt járningamannapróf og fyrsti nemandinn lauk meistaragráðu í hestafræði frá Hólum.

Dylan O’Hagan, nemandi í MARBIO-námi við Háskólann á Hólum, hefur hlotið rannsóknastyrk frá Líffræðifélagi Íslands og Les Amis de Jean Baptiste Charcot fyrir verkefni sem fjallar um fjölbreytni og algengi sníkjudýra í íslenskri smávaxinni botnlægri bleikju.

Miðvikudaginn 3. júní ver Christian Klopsch doktorsritgerð sína við Jarðvísindadeild Háskóla Íslands. Christian hefur unnið stóran hluta rannsóknarinnar á Hólum undir leiðsögn Önnu Guðrúnar Þórhallsdóttur, prófessors við Háskólann á Hólum.