Viðburðir

Brautskráning nemenda við ferðamáladeild og fiskeldis- og fiskalíffræðideild Háskólans á Hólum fer fram föstudaginn 5. júní kl. 14:00 í aðalbyggingu skólans. Að athöfn lokinni verður boðið upp á kaffi og meðlæti í mötuneyti skólans fyrir nemendur og gesti.

Hvernig getum við endurhugsað úrgang frá fiskeldi og matvælaframleiðslu? Hvaða tækifæri felast í því að breyta frárennsli, seyru og öðrum aukaafurðum í verðmætar auðlindir? Háskólinn á Hólum og Ísponica bjóða til eins dags námskeiðs þar sem sjónum verður beint að hringrásarhagkerfi, sjálfbærni og nýsköpun í fiskeldi og matvælaframleiðslu. Markmið námskeiðsins er að kynna hagnýtar leiðir til að auka nýtingu auðlinda, draga úr sóun og skapa ný verðmæti úr efnum sem oft eru skilgreind sem úrgangur.