Brautskráning að hausti

Föstudaginn 5, október sl. hlutu 10 manns diplómugráðu frá Háskólanum á Hólum, af þremur mismunandi námsleiðum. Frá Ferðamáladeild brautskráðust fjórir með diplómu í viðburðastjórnun og tveir með diplómu í ferðamálafræði. Fjórir bættust í hóp diplómuhafa í fiskeldisfræði, frá Fiskeldis- og fiskalíffræðideild.

Athöfnin fór fram heima á Hólum, og hófst með ávarpi rektors, Erlu Bjarkar Örnólfsdóttur. Að því loknu tóku deildarstjórarnir, Laufey Haraldsdóttir og Bjarni Kristófer Kristjánsson við, og brautskráðu sína nemendur. Við þetta tækifæri var Sigríði Bjarnadóttur veitt viðurkenning fyrir framúrskarandi árangur í diplómunámi í ferðamálafræði.

Öllum viðstöddum var síðan boðið til veglegs kaffisamsætis, í umsjón Ferðaþjónustunnar á Hólum.

Guðmundur Björn Eyþórsson tók nokkrar myndir, sem hann leyfir öðrum að njóta.

 

Þú ert að nota: brimir.rhi.hi.is