Húsnæði og aðstaða

Hólaskóli - mynd Sólrún Harðardóttir

 

Hið gamla skólahús Hólaskóla er aðalbygging skólans heima á Hólum. Húsið sjálft er fjögurra hæða en einnar hæðar tengibygging er á milli þess og íþróttahúss skólans.

Meðal annarra vistarvera í aðalbyggingu eru fjórar kennslustofur sem taka á bilinu 16 - 36 manns í sæti. Til viðbótar er fundarherbergi fyrir allt að tólf manns, auk þess sem fjarfundarbúnaður skólans er hýstur þar. Kennsluhúsnæði þetta er á 2. og 3. hæð.

Að öðru leyti eru 2. - 4. hæð hússins að mestu nýttar undir skrifstofur/vinnuaðstöðu starfsfólks, þar á meðal gömlu heimavistarherbergin frá tíð Bændaskólans. Enn prýða gömlu nafnaskiltin hurðir þessara herbergja og reynt hefur verið að halda húsinu sem minnst breyttu.

Á fyrstu hæðinni er meðal annars mötuneyti/veitingastaður, sem rekinn er af Ferðaþjónustunni á Hólum og nefnist Undir Byrðunni.

Á veturna er íþróttahúsið til afnota fyrir starfsmenn og nemendur, utan hefðbundins vinnutíma og geta hópar bókað fasta tíma þar. Í fjölmennum námskeiðum er salurinn nýttur sem fyrirlestrasalur í staðbundnum lotum og Grunnskólinn að Hólum hefur afnot af sal og sundlaug til íþróttakennslu. Á sumrin er þar föst sýning tengd sögu Hólastaðar sem biskupsseturs.

Tengibyggingin hýsir m.a. þjónustuborð skólans og móttöku Ferðaþjónustunnar.

 

 

Þú ert að nota: brimir.rhi.hi.is